الدخان

بِسْمِ اللَّهِ الرَّحْمَٰنِ الرَّحِيمِ حم

حٰمٓ

وَالْكِتَابِ الْمُبِينِ

قسم اس روشن کتاب کی

إِنَّا أَنْزَلْنَاهُ فِي لَيْلَةٍ مُبَارَكَةٍ ۚ إِنَّا كُنَّا مُنْذِرِينَ

بیشک ہم نے اسے برکت والی رات میں اتارا بیشک ہم ڈر سنانے والے ہیں

فِيهَا يُفْرَقُ كُلُّ أَمْرٍ حَكِيمٍ

اس میں بانٹ دیا جاتا ہے ہر حکمت والا کام

أَمْرًا مِنْ عِنْدِنَا ۚ إِنَّا كُنَّا مُرْسِلِينَ

ہمارے پاس کے حکم سے، بیشک ہم بھیجنے والے ہیں

رَحْمَةً مِنْ رَبِّكَ ۚ إِنَّهُ هُوَ السَّمِيعُ الْعَلِيمُ

تمہارے رب کی طرف سے رحمت، بیشک وہی سنتا جانتا ہے،

رَبِّ السَّمَاوَاتِ وَالْأَرْضِ وَمَا بَيْنَهُمَا ۖ إِنْ كُنْتُمْ مُوقِنِينَ

وہ جو رب ہے آسمانوں اور زمین کا اور جو کچھ ان کے درمیان ہے، اگر تمہیں یقین ہو

لَا إِلَٰهَ إِلَّا هُوَ يُحْيِي وَيُمِيتُ ۖ رَبُّكُمْ وَرَبُّ آبَائِكُمُ الْأَوَّلِينَ

اس کے سوا کسی کی بندگی نہیں وہ جِلائے اور مارے، تمہارا رب اور تمہارے اگلے باپ دادا کا رب،

بَلْ هُمْ فِي شَكٍّ يَلْعَبُونَ

بلکہ وہ شک میں پڑے کھیل رہے ہیں

فَارْتَقِبْ يَوْمَ تَأْتِي السَّمَاءُ بِدُخَانٍ مُبِينٍ

تو تم اس دن کے منتظر رہو جب آسمان ایک ظاہر دھواں لائے گا،

يَغْشَى النَّاسَ ۖ هَٰذَا عَذَابٌ أَلِيمٌ

کہ لوگوں کو ڈھانپ لے گا یہ ہے دردناک عذاب،

رَبَّنَا اكْشِفْ عَنَّا الْعَذَابَ إِنَّا مُؤْمِنُونَ

اس دن کہیں گے، اے ہمارے رب! ہم پر سے عذاب کھول دے ہم ایمان لاتے ہیں

أَنَّىٰ لَهُمُ الذِّكْرَىٰ وَقَدْ جَاءَهُمْ رَسُولٌ مُبِينٌ

کہاں سے ہو انہیں نصیحت ماننا حالانکہ ان کے پاس صاف بیان فرمانے والا رسول تشریف لاچکا

ثُمَّ تَوَلَّوْا عَنْهُ وَقَالُوا مُعَلَّمٌ مَجْنُونٌ

اس سے روگرداں ہوئے اور بولے سکھایا ہوا دیوانہ ہے

إِنَّا كَاشِفُو الْعَذَابِ قَلِيلًا ۚ إِنَّكُمْ عَائِدُونَ

ہم کچھ دنوں کو عذاب کھولے دیتے ہیں تم پھر وہی کرو گے

يَوْمَ نَبْطِشُ الْبَطْشَةَ الْكُبْرَىٰ إِنَّا مُنْتَقِمُونَ

جس دن ہم سب سے بڑی پکڑ پکڑیں گے بیشک ہم بدلہ لینے والے ہیں،

وَلَقَدْ فَتَنَّا قَبْلَهُمْ قَوْمَ فِرْعَوْنَ وَجَاءَهُمْ رَسُولٌ كَرِيمٌ

اور بیشک ہم نے ان سے پہلے فرعون کی قوم کو جانچا اور ان کے پاس ایک معزز رسول تشریف لایا

أَنْ أَدُّوا إِلَيَّ عِبَادَ اللَّهِ ۖ إِنِّي لَكُمْ رَسُولٌ أَمِينٌ

کہ اللہ کے بندوں کو مجھے سپرد کردو بیشک میں تمہارے لیے امانت والا رسول ہوں،

وَأَنْ لَا تَعْلُوا عَلَى اللَّهِ ۖ إِنِّي آتِيكُمْ بِسُلْطَانٍ مُبِينٍ

اور اللہ کے مقابل سرکشی نہ کرو، میں تمہارے پاس ایک روشن سند لاتا ہوں

وَإِنِّي عُذْتُ بِرَبِّي وَرَبِّكُمْ أَنْ تَرْجُمُونِ

اور میں پناہ لیتا ہوں اپنے رب اور تمہارے رب کی اس سے کہ تم مجھے سنگسار کرو

وَإِنْ لَمْ تُؤْمِنُوا لِي فَاعْتَزِلُونِ

اور اگر میرا یقین نہ لاؤ تو مجھ سے کنارے ہوجاؤ

فَدَعَا رَبَّهُ أَنَّ هَٰؤُلَاءِ قَوْمٌ مُجْرِمُونَ

تو اس نے اپنے رب سے دعا کی کہ یہ مجرم لوگ ہیں،

فَأَسْرِ بِعِبَادِي لَيْلًا إِنَّكُمْ مُتَّبَعُونَ

ہم نے حکم فرمایا کہ میرے بندوں کو راتوں رات لے نکل ضرور تمہارا پیچھا کیا جائے گا

وَاتْرُكِ الْبَحْرَ رَهْوًا ۖ إِنَّهُمْ جُنْدٌ مُغْرَقُونَ

اور دریا کو یونہی جگہ جگہ سے چھوڑ دے بیشک وہ لشکر ڈبو دیا جائے گا

كَمْ تَرَكُوا مِنْ جَنَّاتٍ وَعُيُونٍ

کتنے چھوڑ گئے باغ اور چشمے،

وَزُرُوعٍ وَمَقَامٍ كَرِيمٍ

او رکھیت اور عمدہ مکانات

وَنَعْمَةٍ كَانُوا فِيهَا فَاكِهِينَ

اور نعمتیں جن میں فارغ البال تھے

كَذَٰلِكَ ۖ وَأَوْرَثْنَاهَا قَوْمًا آخَرِينَ

ہم نے یونہی کیا اور ان کا وارث دوسری قوم کو کردیا

فَمَا بَكَتْ عَلَيْهِمُ السَّمَاءُ وَالْأَرْضُ وَمَا كَانُوا مُنْظَرِينَ

تو ان پر آسمان اور زمین نہ روئے اور انہیں مہلت نہ دی گئی

وَلَقَدْ نَجَّيْنَا بَنِي إِسْرَائِيلَ مِنَ الْعَذَابِ الْمُهِينِ

اور بیشک ہم نے بنی اسرائیل کو ذلت کے عذاب سے نجات بخشی

مِنْ فِرْعَوْنَ ۚ إِنَّهُ كَانَ عَالِيًا مِنَ الْمُسْرِفِينَ

فرعون سے، بیشک وہ متکبر حد سے بڑھنے والوں سے،

وَلَقَدِ اخْتَرْنَاهُمْ عَلَىٰ عِلْمٍ عَلَى الْعَالَمِينَ

اور بیشک ہم نے انہیں دانستہ چن لیا اس زمانے والوں سے،

وَآتَيْنَاهُمْ مِنَ الْآيَاتِ مَا فِيهِ بَلَاءٌ مُبِينٌ

ہم نے انہیں وہ نشانیاں عطا فرمائیں جن میں صریح انعام تھا

إِنَّ هَٰؤُلَاءِ لَيَقُولُونَ

بیشک یہ کہتے ہیں،

إِنْ هِيَ إِلَّا مَوْتَتُنَا الْأُولَىٰ وَمَا نَحْنُ بِمُنْشَرِينَ

وہ تو نہیں مگر ہمارا ایک دفعہ کا مرنا اور ہم اٹھائے نہ جائیں گے

فَأْتُوا بِآبَائِنَا إِنْ كُنْتُمْ صَادِقِينَ

تو ہمارے باپ دادا کو لے آؤ اگر تم سچے ہو

أَهُمْ خَيْرٌ أَمْ قَوْمُ تُبَّعٍ وَالَّذِينَ مِنْ قَبْلِهِمْ ۚ أَهْلَكْنَاهُمْ ۖ إِنَّهُمْ كَانُوا مُجْرِمِينَ

کیا وہ بہتر ہیں یا تبع کی قوم اور جو ان سے پہلے تھے ہم نے انہیں ہلاک کردیا بیشک وہ مجرم لوگ تھے

وَمَا خَلَقْنَا السَّمَاوَاتِ وَالْأَرْضَ وَمَا بَيْنَهُمَا لَاعِبِينَ

اور ہم نے نہ بنائے آسمان اور زمین اور جو کچھ ان کے درمیان ہے کھیل کے طور پر

مَا خَلَقْنَاهُمَا إِلَّا بِالْحَقِّ وَلَٰكِنَّ أَكْثَرَهُمْ لَا يَعْلَمُونَ

ہم نے انہیں نہ بنایا مگر حق کے ساتھ لیکن ان میں اکثر جانتے نہیں

إِنَّ يَوْمَ الْفَصْلِ مِيقَاتُهُمْ أَجْمَعِينَ

بیشک فیصلہ کا دن ان سب کی میعاد ہے،

يَوْمَ لَا يُغْنِي مَوْلًى عَنْ مَوْلًى شَيْئًا وَلَا هُمْ يُنْصَرُونَ

جس دن کوئی دوست کسی دوست کے کچھ کام نہ آئے گا اور نہ ان کی مدد ہوگی

إِلَّا مَنْ رَحِمَ اللَّهُ ۚ إِنَّهُ هُوَ الْعَزِيزُ الرَّحِيمُ

مگر جس پر اللہ رحم کرے بیشک وہی عزت والا مہربان ہے،

إِنَّ شَجَرَتَ الزَّقُّومِ

بیشک تھوہڑ کا پیڑ

طَعَامُ الْأَثِيمِ

گنہگاروں کی خوراک ہے

كَالْمُهْلِ يَغْلِي فِي الْبُطُونِ

گلے ہوئے تانبے کی طرح پیٹوں میں جوش مارتا ہے،

كَغَلْيِ الْحَمِيمِ

جیسا کھولتا پانی جوش مارے

خُذُوهُ فَاعْتِلُوهُ إِلَىٰ سَوَاءِ الْجَحِيمِ

اسے پکڑو ٹھیک بھڑکتی آگ کی طرف بزور گھسیٹتے لے جاؤ،

ثُمَّ صُبُّوا فَوْقَ رَأْسِهِ مِنْ عَذَابِ الْحَمِيمِ

پھر اس کے سر کے اوپر کھولتے پانی کا عذاب ڈالو

ذُقْ إِنَّكَ أَنْتَ الْعَزِيزُ الْكَرِيمُ

چکھ، ہاں ہاں تو ہی بڑا عزت والا کرم والا ہے

إِنَّ هَٰذَا مَا كُنْتُمْ بِهِ تَمْتَرُونَ

بیشک یہ ہے وہ جس میں تم شبہہ کرتے تھے

إِنَّ الْمُتَّقِينَ فِي مَقَامٍ أَمِينٍ

بیشک ڈر والے امان کی جگہ میں ہیں

فِي جَنَّاتٍ وَعُيُونٍ

باغوں اور چشموں میں،

يَلْبَسُونَ مِنْ سُنْدُسٍ وَإِسْتَبْرَقٍ مُتَقَابِلِينَ

پہنیں گے کریب اور قنادیز آمنے سامنے

كَذَٰلِكَ وَزَوَّجْنَاهُمْ بِحُورٍ عِينٍ

یونہی ہے، اور ہم نے انہیں بیاہ دیا نہایت سیاہ اور روشن بڑی آنکھوں والیوں سے،

يَدْعُونَ فِيهَا بِكُلِّ فَاكِهَةٍ آمِنِينَ

اس میں ہر قسم کا میوہ مانگیں گے امن و امان سے

لَا يَذُوقُونَ فِيهَا الْمَوْتَ إِلَّا الْمَوْتَةَ الْأُولَىٰ ۖ وَوَقَاهُمْ عَذَابَ الْجَحِيمِ

اس میں پہلی موت کے سوا پھر موت نہ چکھیں گے اور اللہ نے انہیں آگ کے عذاب سے بچالیا،

فَضْلًا مِنْ رَبِّكَ ۚ ذَٰلِكَ هُوَ الْفَوْزُ الْعَظِيمُ

تمہارے رب کے فضل سے، یہی بڑی کامیابی ہے،

فَإِنَّمَا يَسَّرْنَاهُ بِلِسَانِكَ لَعَلَّهُمْ يَتَذَكَّرُونَ

تو ہم نے اس قرآن کو تمہاری زبان میں آسان کیا کہ وہ سمجھیں

فَارْتَقِبْ إِنَّهُمْ مُرْتَقِبُونَ

تو تم انتظار کرو وہ بھی کسی انتظار میں ہیں